城市景昔

【明报专讯】旅游事务署宣布将「城市景昔」旅游项目扩展至大坑，增设火龙径、铜锣湾道、莲花宫西街、浣纱街同大坑火龙文化馆共5个指定地点，大家只需用「城市景昔」手机应用程式，扫描设置喺嗰度嘅「AR（扩增实境）时钟」，就可以「左右对照」新旧街景，今次仲可以睇埋大坑舞火龙嘅影片。

「城市景昔」免费下载，亦有网站版畀市民遥距体验，观赏指定地点嘅古今街景，每个地点都有地标附上历史简述，例如喺火龙径，就可以睇到1878年投产嘅中华火车糖局简述，至于大坑舞火龙短片就可以喺「大坑火龙文化馆」度搵到。

「城市景昔」旅游项目有34个指定地点，遍佈中环、山顶、油麻地、鲤鱼门等多区，由旅游事务署委託城大创意媒体学院研发同製作，透过手机应用程式睇到不同地点嘅历史照片或本地艺术家画作整合嘅360度历史全景图。